მადრიდის რეალის ათიანმა ჟურნალისტებთან ისაუბრა.

"მთავარი მიზანი რა თქმა უნდა ტიტულების მოგებაა. არც ერთ ტიტულს ვანიჭებთ უპირატესობას, იქნება ეს ლა ლიგა თუ ჩემპიონთა ლიგა. ესპანეთის ჩემპიონობა იმას ნიშნავს, რომ მთელი სეზონის განმავლობაში გუნდი საუკეთესო იყო, ხოლო ჩემპიონთა ლიგა საერთაშორისო ტურნირია, სადაც ევროპის საუკეთესო კლუბებთან გვიწევს ასპარეზობა, სწორედ იქ ჩნდება ჩვენი რეალური ძალა."

"ლა ლიგას მოგებამ მეტი თავდაჯერებულობა შეგვმატა და ახლა უფრო ძლიერები ვართ, ვიდრე წინა წელს. უკვე მესამე წელია, რაც მადრიდში ვარ. თავიდან არავის ეგონა, რომ ფეხს მოვიკიდებდი ასეთი დონის კლუბში და სკეპტიკურად მიყურებდნენ, მაგრამ გუნდთან ერთად მოვიგე სამეფო თასი და ესპანეთის ჩემპიონატი, ამას გარდა ჩაბარებული მაქვს ძალიან მნიშვნელოვანი პოზიცია და ვითვლები ძირითადი შემადგენლობის ფეხბურთელად. ამისათვის ძალიან ბევრი ვიშრომე და მეამაყება, რომ გავამართლე გულშემატკივრების იმედები. ვფიქრობ კიდევ მოვუმატებ თამაშის ხარისხს, რადგან ჯერ კიდევ ახალგაზრდა ვარ და განვარგძობ პროგრესს."

"ევროპის ჩემპიონატზე განცდილი მარცხი უკვე დავივიწყე, რადგან წინ უამრავი გამოწვევა მელის, როგორც კლუბში ასევე ნაკრებში, ამიტომ ვცდილობ პოზიტიურად ვიფიქრო. ახალი სეზონისთვის მთელი გულით ვემზადებით და მოხარული ვარ, რომ ლა ლიგა ამ უქმეებზე განახლდება."