წინასწარი სეზონის შეჯამება..

საერთო ჯამში მადრიდის "რეალმა" 2012 წლის ზაფხულში 6 შეხვედრა ჩაატარა: ორი მათგანი ევროპაში, დანარჩენი ოთხი კი შეერთებულ შტატებში. ამ მატჩებში "რეალმა" 21 გოლი გაიტანა, ხოსე კალეხონი კი 5 ბურთით მადრიდელთაგან ბომბარდირი გახდა.

მადრიდის "რეალმა" წინასასეზონო მზადება 16 ივლის დაიწყო. გუნდმა პირველი შეხვედრა "რეალ ოვეიდოსთან" ჩაატარა და მეტოქე 5:1 გაანადგურა. ლუკასის, ჩერიშევის, გრანეროს, გოლებს დი მარიამ 2 გოლი წაუმატა და ტაბლოზე მოსამზადებელი ეტაპის პირველი ანგარიში დააფიქსირა.

3 დღის შემდეგ გუნდმა ლისაბონში ეუსებიოს თასზე "ბენფიკას" წინააღმდეგ ითამაშა და 5:2 დამარცხდა. აღსანიშნავია, რომ კალეხონმა დუბლი გაიფორმა.

ერთი დღის შემდეგ თეთრები შეერთებულ შტატებში გაემგზავრნენ, სადაც ოთხ სხვადასხვა ქალაქში ოთხი მატჩი გამართეს. "რეალმა" თანმიმდევრულად დაამარცხა მეტოქეები:"ლოს-ანჯელეს გალაქსი"(5:1-იგუაინი, დი მარია, კალეხონი, მორატა, ხესე), "სანტოს ლაგუნა"(2:1-ალონსო, ხედირა),"მილანი"(5:1-დი მარია, კალეხონი, რამოსი და რონალდუ დუბლი), "სელტიკი"(2:0-კალეხონი, ბენზემა).