ოლიმპიადაზე 4x100 დისტანციის დასრულების შემდეგ, იამაიკელმა ლეგენდარულმა მორბენალმა უსეინ ბოლტმა მცირე კომენტარი გააკეთა, თუ ვინ იმსახურებს ოქროს ბურთს.

"ეჭვგარეშეა რონალდუ უფრო კარგია, ვიდრე მესი. კრიშტიანუ უფრო მრავალმხრივია მოთამაშეა."-განაცხადა ბოლტმა, პორტუგალიურ RTP - სთან საუბარში.

ბოლტი არასოდეს მალავდა აღფრთოვანებას მადრიდის "რეალის" მოთამაშით კრიშტიანუ რონალდუთ. ისინი კარგი მეგობრები არიან. "კრიშტიანუ კარგი და დიდი ადამიანია" ისინი ხშირად ხვდებიან ერთმანეთს. 2009 წელს, როდესაც უსეინი ფრანგულმა ჟურნალმა L'Equipe - მა, წლის საუკეთესო სპორცმენად დაასახელა, მან განაცხადა:"ეს ჯილდო მინდა კრიშტიანუს მივცე. ის დიდ ფეხბურთს თამაშობს და ვიცი, რომ ეს ძალზედ რთულია."

ორგზის ოლიმპიური ჩემპიონი 100 და 200 მეტრზე გარბენში, სამეფო კლუბის გულშემატკივარია, მადრიდელებმა მას არაერთხელ გადაუხადეს მადლობა კლუბის სიყვარულის გამო. მაგალითად 2009 წლის ზაფხულში "ბლანკოსის" ხელმძღვანელობამ იამაიკელი სპორცმენი "ბერნაბეუზე" მიიწვია მატჩის წინ, საპატიო დარტყმის განსახორციელებლად.

მას შემდეგ "რეალისა" და უსეინის გზა არაერთხელ გადაიკვეთა. მაგალითად გასულ წელს, ზაგრებში. იამაიკელი შეჯიბრებაში მონაწილეობდა ხორვატიის დედაქალაქში, ხოლო მეორე დღეს "რეალმა" ჩემპიონთა ლიგის მატჩი ჩაატარა. ბოლტმა მთელი გუნდი მიიწვია მის გამოსვლაზე, მაგრამ მხოლოდ ფლორენტინო პერესმა მოახერხა მისვლა და რონალდუს მაისური გადასცა მთელი გუნდის ავტოგრაფების თანხლებით.