მადრიდის "რეალის" თურქი ნახევარმცველის, ნური შაჰინის შეძენის სურვილი კიდევ ერთმა პრემიერლიგის კლუბმა "ლივერპულმა" გამოთქვა. დიდი შანსია ნურიმ კლუბი დატოვოს, რადგან იგი მოურინიოს გეგმებში არ შედის.

"ლივერპული" რომელსაც ფინანსური პრობლემები აქვს, სავარაუდოდ შაჰინის არენდის წესით აყვანას შეეცდება. ბრენდან როჯერსიმ, რომელიც ახლა "ლივერპულის" მთავარი მწვრთნელია, ინგლისში მოღვაწეობა ჟოზე მოურინიოს წყალობით დაიწყო. ჟოზემ იგი "ჩელსის" მეორე გუნდის მწვრთნელად დანიშნა. ამიტომ შაჰინისთვის ბრძოლაში ფავორიტად "ლივერპული" მიიჩნევა.

შეგახსენებთ, რომ ნური შაჰინის შეძენით აგრეთვე დაინტერესებული გახლავთ "მანჩესტერ იუნაიტედი", "არსენალი" და ტოტენჰემი.





ინფორმაციის წყარო: marca.com