"მილანის" ბრაზილიელმა თავდამსხმელმა პატომ გაზეთ Marca-თან განაცხადა, რომ ბავშვობიდან ოცნებობს "ბერნაბეუზე" თამაშზე, რაც ოთხშაბათს აუხდება კიდეც.

ამ კვირას ბრაზილიელმა თავისი პირველი გოლი გაიტანა იტალიის ჩემპიონატში. ის იმედოვნებს, რომ "ბერნაბეუზეც" გაიტანს.

"მე არასდროს არ მითამაშია "სანტიაგო ბერნაბეუზე" და ეს ჩემთვის მნიშვნელოვანი იქნება" – აცხადებს ბრაზილიელი ფორვარდი.

"ოცნებაა ითამაშო ასეთ მოედანზე ასეთი მოწინააღმდეგის წინააღმდეგ. ვიმედოვნებ კარგად ვითამაშებთ და ყველაფერი კარგად დასრულდება".

"რომასთან" გამარჯვებამ მორალურად აგვამაღლა. ვეცდებით მივაღწიოთ სასურველ შედეგს".


ინფორმაციის წყარო: Goal.com