კლარენს ზეედორფი "სანტიაგო ბერნაბეუზე" ბრუნდება "მილანის" ფეხბურთელის რანგში. მას იმედი აქვს, რომ "როსონერი" სამ ქულას მოიპოვებს.

"ეს ის თამაშია, რომლის ხილვაც ყველას მოსწონს. ჩვენ მადრიდში მოსაგებად ჩამოვედით. "რომასთან" გამარჯვებამ ჩვენი მორალი აამაღლა".

"ეს მატჩი დიდი სტიმულია ჩვენთვის. ყველაფერს გავაკეთებთ, რათა "ბერნაბეუზე" მოვიპოვოთ გამარჯვება და მოედანი თავაწეულებმა დავტოვოთ" – აცხადებს ჰოლანდიელი ნახევარმცველი.

"მილანი" რეალთან" თამაშისთვის მეტად მაღალ განწყობაზეა. მათ სერია ა–ში "რომა" დაამარცხეს. "ძალიან ბედნიერი ვარ, რადგან გუნდმა მძიმე ბრძოლაში მიაღწია გამარჯვებას. პირველ ტაიმში "რომა" დომინირებდა, მაგრამ მეორე ტაიმში თამაში გამოვასწორეთ და გავიმარჯვეთ კიდეც".

"მე ბედნიერი ვარ რონალდინიოს თამაშით"

"ბედნიერი ვარ რონალდინიოსა და პატოს გამო, რომლებმაც მოახერხეს გატანა და გუნდმაც სამი მნიშვნელოვანი ქულა მოიპოვა. ასევე ეს მნიშვნელოვანი იყო მორალურადაც" – დაასრულა ზეედორფმა.


ინფორმაციის წყარო: Defensacentral.com