უახლოს მომავალში "რეალის" აკადემიას რუსი წარმოშობის ფეხბურთელი სერგეი კუნდიკი შეუერთდება, რომელიც ბოლო რვა წელი პორტუგალიაში ცხოვრობდა და თამაშობდა.

"მადრიდის "რეალის" სკაუტები ესწრებოდნენ, ჩემს თამაშს რუსეთის ეროვნულ ნაკრებში ( U-17). შანსი მქონდა, ჩემი თამაშით მათი ყურადღება დამემსახურებინა და ეს გამომივიდა კიდეც. ოცნება ამიხდა, მე მადრიდის "რეალის" აკადემიას შევუერთდები. ჩემით აგრეთვე დაინტერესებული იყო "ბავარია", "ბლექბერნი" და "ატლეტიკო".

"გავიგე, რომ "რეალის" რამდენიმე კანტერანო პირველ გუნდთან ერთად ივარჯიშებს. ჩემთვის უდიდესი ბედნიერება იქნება, ვითამაშო კრიშტიანუ რონალდუსთან ერთად, იმედი მაქვს იმ იღბლიან კანტერანოებში მეც აღმოვჩნდები. ვერ ავღწერ იმ ემოციას რასაც განვიცდი, რადგან სულ მალე მე იმ გუნდში ვითამაშებ, რომლის თამაშებს მხოლოდ ტელევიზორით ვუყურებდი."-განუცხადა Zerozero-ს კუნდიკიმ.

კუნდიკი გუნდთან სამ წლიან კონტრაქტს მოაწერს ხელს და "რეალმადრიდ ც" ღირსებას დაიცავს.