მანჩესტერ იუნაიტედი სერიოზულად არის დაინტერესებული ნური შაჰინის შეძენით და მზად არის თურქი ფეხბურთელის სანაცვლოდ 15 მილიონი ევრო გაიღოს...

ინგლისელებმა მადრიდელებს ოფიციალური შეთავაზება გაუკეთეს, "წითლებს" ძალიან სურთ ნურის საკუთარ გუნდში ხილვა და ამისთვის სერიოზული მოლაპარაკებებისთვის არიან მზად.

გავრცელებული ინფორმაციით ჟოზე მოურინიო ნურის გაშვებას დათანხმდა, ოღონდ მხოლოდ 1 წლით და გამოსყიდვის უფლებით, იჯარა კი მანჩესტერს არ აწყობს, გამომდინარე აქედან მოლაპარაკებები ძალიან რთულად მიმდინარეობს.

ინგლისელებს შაჰინის შეძენა და 5 წლიანი კონტრაქტის გაფორმება სურთ, ჟოზე კი ფეხბურთელის გაშვების კატეგორიული წინააღმდეგი გახლავთ.

ასევე გასათვალისწინებელია, რომ "ბლანკოსს" მაიკონის გადმობირება უნდა და ამ ტრანსფერის განსახორციელებლად შესაძლოა თურქი ახალგაზრდის ჩარევა გახდეს საჭირო, ამასთანავე მილანის "ინტერი" თანახმაა, რომ ფეხბურთელი მხოლოდ 1 წლით გააჩეროს გუნდში, შემდეგ კი კვლავ "რეალს" დაუბრუნოს.