ლუკა მოდრიჩს "ბლანკოსში" გადასვლის ძალიან დიდი სურვილი აქვს, ხორვატი ფეხბურთელი საკუთარი გუნდის ვარჯიშებს არ ესწრება, მან არც ამერიკის ტურნეზე გამგზავრება მოინდომა, რამაც ხელმძღვანელობა და მთავარი მწვრთნელი აღაშფოთა...

"დეზებმა" ხორვატი მოთამაშე 100 000 ევროთი დააჯარიმეს, ყველაფერი რა თქმა უნდა კანონიერად და კონტრაქტის გათვალისწინებით მოხდა. ლუკას ფულადი ჯარიმის გადახდა აუცილებლად მოუწევს.

ყველაფერს ისეთი პირი უჩანს, რომ მოდრიჩის ტრანსფერი უბრალოდ დროის საკითხია და მისი "ტოტენჰემური" მომავალი აღარ იარსებებს, რადგან ფეხბურთელს არავითარი მოტივაცია აღარ აქვს, იგი ღიად აცხადებს, რომ მადრიდის "რეალში" სურს თამაში.