რამოსი: "ევროპაში მადრიდის ხანა დგება"
სამეფო გუნდისა ანდალუსიელმა მცველმა, სერხიო რამოსმა, აღნიშნა რომ "რეალისათვის" ჩემპიონთა ლიგის მატჩი ერთობ მნიშვნელოვანია, რამეთუ მადრიდელების ერთ-ერთი მთავარი პრიორიტეტი სწორედ ევროპაში პირველობაა.
- ამ კვირაში "რეალს" ძალიან მნიშვნელოვანი თამაში ელის "როსონერისთან."
- ჩემპიონთა ლიგა ძალიან მნიშვნელოვანია.მომავალი შეხვედრა კი ლამაზი და რთული იქნება.
- თქვენ კვლავ წარდგებით პირისპირ რონალდიონიოს წინააღმდეგ.როგორ ფიქრობთ, "ბარსადან" წასვლის შემდეგ შეიცვალა ეს ფეხბურთელი?
- სიმართლე გითხრათ, მე იშვიათად ვადევნებ თვალ-ყურს მის გამოსვლევს, მაგრამ ვგონებ, კატალონიიდან წასვლის შემდეგ ცვლილება მოხდა მასში.სერია ა-ს გასულ ტურში, როგორც ვიცი, რონიმ შეძლო გოლის გატანა და საგოლე გადაცემის გაკეთება.მოხარული ვარ, რომ კვლავ მომიწევს თამაში ისეთი დიდი მოთამაშის წინააღმდეგ, როგორიც გაუჩოა.
- რას ნიშნავს, ეს ტურნირი მადრიდელებისათვის?
- ჩვენი მიზანია, აღნიშნულ ტურნირზე სათანადოდ ვიასპარეზოთ და ბოლო წლებში წარუმატებელი სერია წარსულს მივაბაროთ.ჩვენ მოტივაციის ისიც ემატება, რომ წელს ლიგის ფინალი სწორედ "ბერნაბეუზე" შედგება.ყველას ძალიან გვინდა, რომ საშიანო კედლებში ერთ-ერთი მეტოქე "რეალი" იყოს.
- "მილანიც" ისეთივე რთული მეტოქეა, როგორიც "სევილია?"
- ვფიქრობ, ამ გუნდებს შორის დიდი განსხვავებაა."სევილია" სხვა ფილოსოფიით მოქმედებს, მათ უფრო მეტი შემტევი მოთამაშე ჰყავთ.რაც შეეხება, იტალიელებს, ისინი ძირითადად თავის შანსს ელოდებიან.
- რამდენიმე დღის წინ, "ოქროს ბურთის" მოპოვების პრეტენდენტების სია გამოქვეყნდა.როგორ ფიქრობთ, მთავარი მეტოქენი ამ პრიზის მოპოვებაში, მესი და რონალდუ არიან?
- ამ სიაში ძალიან ბევრი კარგი ფეხბურთელია.მოხარული ვარ, რომ სამეფო გუნდიდანაც არა ერთი მოთამაშე აცხადებს პრეტენზიას აღნიშნული ჯილდოს მოგებაზე.გამიხარდება თუ "ოქროს ბურთს" რონალდუ, კასილასი ან სხვა რომელიმე ესპანელი ფეხბურთელი დაეუფლება.
- 19 ოქტომბერი 2009
- 2 667
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.