მოგეხსენებათ, რიკარდო კარვალიოს გუნდიდან აბარგებას თითქმის გადაწყვეტილი საკითხია, პორტუგალიელი მცველი სავარაუდოდ სამშობლოში დაბრუნდება, მაგრამ რომელი გუნდის ღირსებას დაიცავს უცნობია...

ჟოზე მოურინიო კარვალიოს ყოველთვის დიდ პატივს სცემდა, მაგრამ მთავარი მწვრთნელის აზრით რიკის ასაკი აღარ იძლევა იმის საშუალებას, რომ იგი ძირითადი შემადგენლობის ფეხბურთელი იყოს, სწორედ ამიტომ ატყდა აჟიოტაჟი იმის თაობაზე, რომ რიკარდო სათადარიგო მოთამაშის წოდებას ვერ შეეგუება და სხვაგან წავა.

ჭორები უკვე დიდი ხანია დადის, მაგრამ ყველაფერს ფარდა იმან ახადა, რომ პორტუგალიელი მცველი "ბლანკოსთან" ერთად აღარ ვარჯიშობს, გუნდი უკვე სრული დატვირთვით ემზადება მომდევნო სეზონისთვის, გამონაკლისები მხოლოდ მარსელო და ევრო 2012-ზე მონაწილე ფეხბურთელები არიან, კარვალიო კი პორტუგალიის რიგებში არ გამოჩენილა. აქედან გამომდინარე, მას, ისევე როგორც სხვებს მზადება უნდა დაეწყო, მაგრამ რიკი არსად ჩანს.

დაველოდოთ როგორ განვითარდება, მოვლენები მაგრამ 99,9% რიკარდო "ბლანკოსის" ფორმას აღარ ჩაიცვამს.