დღეს "ვალდებებასის" ბაზაზე "სამეფო კლუბმა" მორიგი ვარჯიში გამართა.

ლასანა დიარას ჩემპიონთა ლიგაზე თამაში "მილანთან" მატჩში კითხვის ნიშნის ქვეშ დადგა.

ფრანგმა ნახევარმცველმა სპორტდარბაზში ივარჯიშა. 10:30 წუთზე ფეხბურთელები "ვალდებებასის" ბაზაზე იყვნენ და მანუელ პელეგრინიმ ისინი ავარჯიშა.

ლასთან ერთად სპორტდარბაზში ვარჯიშობდნენ კრისტოფ მეცელდერი და რუუდ ვან ნისტელროი. ეს ორი უკანასკნელი ვერ მიიღებს მონაწილეობას ჩემპიონთა ლიგის მატჩში ოთხშაბათს. ლასის ტრავმა იმდენად სერიოზული არაა და შესაძლოა მან შეძლოს თამაში "როსონერის" წინააღმდეგ, მაგრამ პელეგრინი გარისკვას არ აპირებს და დაელოდება ექიმების პასუხს.

სასიხარულო ინფორმაცია ისაა, რომ გუნდს დაუბრუნდნენ გუტი და არბელოა. ორივე ფეხბურთელი ისეთივე ტემპით ვარჯიშობს, როგორც მათი თანაგუნდელები.


ინფორმაციის წყარო: As.com