"რეალის" ფრანგი ნახევარმცველი ლასანა დიარა აუცილებლად ითამაშებს იტალიური "მილანის" წინააღმდეგ ჩემპიონთა ლიგაზე.

ფრანგ ნახევარმცველს მარჯვენა მუხლის ტკივილები აქვს. მან მცირე დაზიანება მიიღო "ვალიადოლიდთან" მატჩში, მაგრამ პელეგრინის შეუძლია მშვიდად იყოს. ლასი შეძლებს "როსონერის" წინააღმდეგ თამაშს. შეხვედრის 54–ე წუთზე ბორხასთან ბრძოლაში დიარას მუხლზე ძლიერად მოხვდა ფეხი. რამდენიმე წამის შემდეგ კამერებმა დააფიქსირეს, რომ ლასს ძალიან სტკიოდა მუხლი, მაგრამ ფრანგმა ბოლომდე შეძლო ეთამაშა.

გუშინ ფეხბურთელს არ მიუღია მონაწილეობა ვარჯიშში, მაგრამ მისი გამოჩენა "მილანთან" ეჭვს არ იწვევს. ლასმა გამოტოვა "მარსელთან" და "სევილიასთან" მატჩები.


ინფორმაციის წყარო: As.com