რაფაელ ვარანი არის პირველი ფეხბურთელი, რომელიც მადრიდში დაბრუნდა და ვარჯიში განაახლა. გუშინდელი დღე მან ვალდებებასზე გაატარა და ფიზიკური სამუშაოები შეასრულა.

ახალგაზრდა ცენტრალურმა მცველმა შეასრულა ტაქტიკური დავალებები და ცოტა ხნით მოურინიოსთანაც ისაუბრა. ჟოზე კმაყოფილი ყოფილა ვარანის მიერ ჩატარებული სეზონით და შესაძლოა მას მეტი სათამაშო დროც მისცეს.

რაფაელმა გასულ სეზონში ყველა ტურნირზე ერთად 15 შეხვედრაში მიიღო მონაწილეობა და არც ერთში არ დამარცხებულა, 14 მოგება და 1 ფრე არის მის ანგარიშზე. აგრეთვე აღსანიშნავია ის ფაქტი, რომ ის ძალიან სუფთად თამაშობდა და არ უშვებდა სერიოზულ შეცდომებს.

ვარანი ერთ-ერთ ყველაზე პერსპექტიულ მცველად ითვლება და მან ეს მადრიდის რეალში ასპარეზობისას უკვე დაადასტურა, მომავალ სეზონში რეალში აღარ იქნება კარვალიო, შესაბამისად მას უფრო მეტი სათამაშო დრო მიეცემა და შეძლებს საკუთარი პოტენციალის უფრო მეტად გახსნას.