რაფაელ ვან დერ ვაარტი, რომელიც წლების მანძილზე იცავდა, მადრიდის "რეალის" ღირსებას, ჟურნალისტებს გაესაუბრა, თემა რა თქმა უნდა ლუკა მოდრიჩი იყო, რომლის სამეფო კლუბში გადაბარგების საკითხი ვერა და ვერ გადაწყდა...

"დედაქალაქურ კლუბში რამდენიმე წლის მანძილზე გამოვდიოდი და ვიცი რა სირთულეებთან არის დაკავშირებული ამ გუნდში თამაში. მადრიდში ყოველთვის დიდი ფსიქოლოგიური წნეხია, თუ მორალურად ძლიერი არ ხარ, იქ ვერ გაამართლებ, მაქსიმალურად უნდა ეცადო, რომ ნერვები მშვიდად შეინარჩუნო და მხოლოდ მუშაობაზე იფიქრო, სამეფო კლუბის გულშემატკივრები მუდმივად მოგებას და წარმატებას ითხოვენ, რაც თავისთავად რთულია."

"რეალი ძალიან მიყვარს, იქ ბედნიერი წლები გავატარე და არადროს დამავიწყდება მადრიდული კარიერა, ყველამ იცის, ისევე როგორც მე, რომ მოდრიჩი შესაძლოა "ბლანკოსის" ფეხბურთელი გახდეს, მე მის გადაწყვეტილებაში ნამდვილად ვერ ჩავერევი, თუ იგი დამირეკავს და რეალზე აზრს მკითხავს, დეტალურად ავუხსნი თუ როგორი სიტუაცია სუფევს სამეფო კლუბში."