ნური შაჰინმა გადაწყვეტილება მიიღო, თუკი გუნდში ლუკა მოდრიჩი მოვა, იგი აუცილებლად დატოვებს ესპანეთის დედაქალაქს და სხვაგან გაემგზავრება კარიერის გასაგრძელებლად...

თუკი მადრიდის "რეალი" ხორვატ ფეხბურთელს შეიძენს, ეს კიდევ ერთხელ იქნება იმის მანიშნებელი, რომ შაჰინის ადგილი "ბლანკოსის" რიგებში არ არის.

ნური გასულ სეზონში სამეფო კლუბში დიდი ამბიციებითა და იმედებით, მივიდა მაგრამ ყველაფერი დრომ წაიგო, მაშინ შაჰინს გაცილებით უფრო დიდი რეპუტაცია, ბევრად უფრო კარგი ფიზიკური კონდიცია და შემართება ჰქონდა, ახლა კი სიტუაცია ბევრად უარესად არის, აქედან გამომდინარე იგი ვერ იღებს იმის გარანტიას, რომ თამაში ხშირად მოუწევს.

წინა სეზონში თურქი ფეხბურთელის მოედანზე გასვლები, თითზეც კი შეგვიძლია დავთვალოთ, რაც 24 წლის მოთამაშისთვის თავისთავად კატასტროფულ შედეგს წარმოადგენს.

მაშსადამე, თუკი ლუკამ მადრიდის ფორმა მოირგო, სამეფო კლუბს ნური დაუფიქრებლად დატოვებს.