მოგეხსენებათ, მადრიდის "რეალი" დიდი ხანია ლუკა მოდრიჩის შეძენას ცდილობს, მაგრამ ტოტენჰემის ხელმძღვანელობასთან მოლაპარაკებები ჯერ-ჯერობით ვერ დასრულდა წარმატებით...

ხორვატ ფეხბურთელზე მხოლოდ "ბლანკოსში როდი ნადირობს, მისით დაინტერესებულები არიან მანჩესტერ იუნაიტედი, ლონდონის ჩელსი, მილანის ინტერი და "პსჟ" , რომელსაც ფეხბურთელის შეძენის ყველაზე დიდი შანსი აქვს.

ტოტენჰემის ხელმძღვანელობა ლუკას სანაცვლოდ 45 მილიონ ევროს ითხოვს, რაც ძალიან არარეალური ფასი გახლავთ, სამეფო კლუბი ბოლო ინფორმაციით მხოლოდ 25 მილიონის გადახდაზეა თანახმა.

დღეს გავრცელებული ინფორმაციის პარიზული გუნდი მოდრიჩის სანაცვლოდ 40 მილიონ ევროს იმეტებს, გამომდინარე აქედან ბრძოლაში ფავორიტი უკვე გამოიკვეთა და ეს სწორედ ფრანგული კლუბია, ანჩელოტის ხელმძღვანელობა სამეფო კლუბის შეთავაზებულ თანხაზე 15 მილიონით მეტს იხდის, რაც პატარა სხვაობა ნამდვილად არ არის.

მოდრიჩს ამ თემასთან დაკავშირებით ჯერ-ჯერობით კომენტარი არ გაუკეთებია, იგი ამჟამად დროს დასვენებას და სიამოვნებას უთმობს.