ვიქტორ ვალდესმა, იკერ კასილასსა და ანდრეს ინიესტაზე ისაუბრა, მისი განცხადებით, კასილასი საამაყო და იმედის მომცემი მეკარე გახლავთ, მაგრამ ოქროს ბურთს არა იკერი, არამედ მისი თანაკლუბელი, ანდრეს ინიესტა უნდა დაეუფლოს, რადგან მან ეს ჯილდო ნამდვილად დაიმსახურა...

"ჩვენი ნაკრების კაპიტანს ძალიან დიდ პატივს ვცემ, იკერი ნამდვილი გენიოსია და გუნდისთვის უდიდეს ძალას წარმოადგენს, ის ყოველთვის დიდ იმედს გვაძლევს, "ფურია როხა" კასილასის გარეშე ალბათ არავის წარმოუდგენია."

"მადრიდის "რეალს" იკერის სახით ნამდვილად საუკეთესო მაკარე ჰყავს, მაგრამ ვფიქრობ, რომ მასზე მეტად ოქროს ბურთს ანდრეს ინიესტა იმსახურებს, მართალია ესპანეთის ნაკრებისთვის კასილასი ბევრ რამეს აკეთებს, მაგრამ ნუ დავივიწყებთ ანდრესის ბრწყინვალე თამაშს მსოფლიოსა და ევროპის ჩემპიონატებზე, მის უმნიშვნელოვანეს გოლებს მეტოქეთა კარში, რომელმაც ბევრი რამ გადაწყვიტა."

"ჩემი აზრით საუკეთესოობას ინიესტა იმსახურებს, ამ მოთამაშემ ნამდვილად ძალიან ბევრი რამ გააკეთა ეროვნული ნაკრებისთვის და კატალონიის ბარსელონასთვის."