ანხელ დი მარიამ განაცხადა, რომ მისი მიზანი სამეფო კლუბის მიზანს ემთხვევა, "ბლანკოსმა" ჩემპიონთა ლიგა უნდა მოიგოს...

"მადრიდში უკვე დიდი ხანია ვირიცხები და გუნდის ფილოსოფიას თავიდან ბოლომდე მოვერგე. ჩვენ გასულ სეზონში ძალიან ნაყოფიერი სამუშაო გავწიეთ და შედეგიც სახეზეა, გუნდმა 100 ქულა მოიპოვა,რაც უდავოდ დიდი შედეგი გახლავთ, მაგრამ ეს ყველაფერი არ არის, აუცილებელია მაქსიმალური მონდომება და ჩემპიონთა ლიგის მოგება, ძალიან გვსურს ევროპის ყველაზე პრესტიჟულ ტურნირზე წარმატების მიღწევა და ოქროს მედლების მოპოვება."

"პრიმერაში ყოველთვის დიდი დაძაბულობაა, რადგან კონკურენციას ისეთი დიდი გუნდი გვიწევს, როგორიც ბარსელონა გახლავთ, მათ ჩვენ ჩემპიონობა წავართვით, მომავალ წელს კი ლა ლიგის ტიტულის დაცვაც მოგვიწევს, ასე რომ საქმე მართლაც ბევრი გვაქვს და აუცილებელია მაქსიმალური კონცენტრაცია და ძალების ბოლომდე დახარჯვა."