ინგლისელი ფეხბურთელი, დევიდ ბექჰემი, რომელიც გარკვეული დროის წინ იცავდა მადრიდის რეალის და მილანის მილანის ღირსებას ჟურნალისტებს შეხვდა და რამდენიმე კითხვას უპასუხა...

ოთხშაბათს ძალიან საინტერესო მატჩი გაიმართება ჩემპიონთა ლიგის ეგიდით, ერთმანეთს დაუპირისპირდებიან მადრიდის რეალი და იტალიის მილანი , რომლებსაც ყველაზე მეტჯერ აქვთ ევროპის ყველაზე პრესტიჟული ტურნირი მოგებული...

ეს იქნება ძალიან საიტერესო მატჩი, ამ დაპირისპირებაში გაიმარჯვებს უძლიერესი, რეალში რამდენიმე შესანიშნავი წელი გავატარე და ვიცი ამ გუნდის ფილოსოფია, ასევე ვთამაშობდი მილანში და ამ კლუბში შესაძლოა დავბრუნდე კიდეც არენდის წესით.

რომელ გუნდს უგულშემატკივრებთ აღნიშნულ მატჩში?

იცით ძალიან რთული კითხვაა, მე ორივე გუნდი ძალიან მიყვარს და არც ერთის გამარჯვება დამწყვეტს გულს და არც მეორესი, მე მათ წარმატებებს და სანახაობრივი თამაშის ჩვენებას ვუსურვებ.

ორივე გუნდში ირიცხებიან მსოფლიო ვარსკვლავები, რომლის გამოყოფა შეგიძლიათ?

გეთანხმებით, მილანსაც და რეალსაც ძალიან მაღალი დონის ფეხბურთელები ჰყავთ. მილანში აუცილებლად გამოვყოფდი ფილიპო ინძაგის, რომელიც ასაკის მატების მიუხედავად, თამაშის დონეს არ უკლებს, ასევე ძალიან კარგი ფეხბურთელია ალეშანდრე პატო. რაც შეეხება რეალს, ამ გუნდში მრავალი ვარსკვლავია, განსაკუთრებით კაკას და კრისტიანო რონალდოს გამოვყოფ, რომელიც ვერ შეძლებს მატჩში მონაწილეობის მიღებას, რეალი მასთან ერთად გაცილებით უფრო ძლიერი იქნებოდა, მაგრამ ეს კლუბი არასოდეს ყოფილა ერთ ფეხბურთელზე დამოკიდებული.

თქვენი პროგნოზი?

არ მიყვარს პროგნოზების გაკეთება, იმედია ვიხილავ ლამაზ და უხვგოლიან ფეხბურთს.