მრავალი უცხოური გამოცემა იუწყება იმის შესახებ, რომ მადრიდის "რეალმა" უკვე მიაღწია შეთანხმებას ლუკა მოდრიჩთან.

საგა ლუკა მოდრიჩის "რეალში" გადასვლის თაობაზე უკვე დასკვნით ეტაპზეა მისული და "რეალმა" უკვე მიაღწია ფეხბურთელთან შეთანხმებას.

მოდრიჩმა კარგად იცის იმის შესახებ, რომ მისი ამჟამინდელი კლუბი, "ტოტენჰემი" სეზონისთვის მზადებას 18 ივლისს განაახლებს და სწორედ ამ დღემდე სურს მას მადრიდის "რეალში" გადასვლა.

თვითონ ლუკას არ სურს "ტოტენჰემის" რიგებში დარჩენა და მან პირადად განუცხადა ხელმძღვანელობას თავისი სურვილის შესახებ და აი, ახლა უახლოეს 10 დღეში მოდრიჩი გახდება მადრიდის "რეალის" პირველი შენაძენი წლევანდელი საზაფხულო სატრანსფერო ფანჯრის დროს.

სავარაუდო სატრანსფერო თანხად 40 მილიონი ევრო სახელდება.