მეტად მოულოდნელი იყო რაფაელ ვან დერ ვაარტის გამოჩენა სასტარტო შემადგენლობაში "ვალიადოლიდის" წინააღმდეგ. რაფაელი თამაშობდა ფლეიმეიქერად კაკას პოზიციაზე, რომელიც დაასვენა მანუელ პელეგრინიმ გადაღლილობის გამო. ჰოლანდიელი დატოვებდა "სამეფო კლუბს" ამ ზაფხულს, რომ არ წასულიყვნენ მისი თანამემამულეები – არიენ რობენი და ვესლი სნეიდერი. ვან დერ ვაარტი 17 ოქტომბერს ისევ გამოვიდა გუნდის სასტარტო შემადგენლობაში. მან 72 წუთი დაჰყო მოედანზე.

ოთხი თვე გავიდა მას შემდეგ, რაც ჰოლანდიელი იმყოფებოდა მოედანზე ძირითად შემადგენლობაში. ამ დროის განმავლობაში შეიცვალა პრეზიდენტი, მწვრთნელი, ხუნტა, ნახევარი გუნდი და მას შეუზღუდეს ძირითად შემადგენლობაში თამაში. გუშინ კი მას იღბლიანი დღე ჰქონდა.

გამოუვალი მდგომარეობა

139 დღე გავიდა. კრისტიანო რონალდოს ტრავმამ და კაკას დაღლილობამ რაფაელს მისცეს საშუალება სასტარტო შემადგენლობაში ეთამაშა. ნახევარდაცვის ხაზი ასე გამოიყურებოდა: ლასი, ხაბი ალონსო, ვან დერ ვაარტი და გრანერო. გაგო და გუტი ასევე ტრავმირებულები იყვნენ და არ შეეძლოთ თამაში.

მთელი მოსამზადებელი ეტაპის განმავლობაში ჰოლანდიელმა ფეხბურთელმა ითამაშა მხოლოდ 45 წუთი და ორჯერ შემოვიდა შეცვლაზე ოფოციალურ მატჩებში: "ვილიარეალთან" და "სევილიასთან". ვან დერ ვაარტს იმედი აქვს, რომ სხვა დროსაც მიეცემა შანსი ითამაშოს ძირითად შემადგენლობაში.