როგორც მოგეხსენებათ, ევროპის ჩემპიონატზე, ფეხბურთელების ასპარეზობას, Castrol EDGE აფასებდა.

კომპეტენტური პირები, თითოეულ დაპირისპირებაში, თითოეულ მოთამაშეს აკვირდებოდნენ და შემდეგ კოეფიციენტებს უწერდნენ მათ."შესრულების რეიტინგში," ყურადღება ექცეოდა პასებს, კარში დარტყმებს, შეტევის ჩაშლებს, კილომეტრების დაფარვას და სხვა მრავალ საფეხბურთო დეტალს.

აღსანიშნავია, რომ თითქმის მთელი ტურნირის განმავლობაში, რეიტინგს ლიდერობდა კრიშტიანუ რონალდუ, თუმცა ფინალური ორთაბრძოლის შემდეგ ყველაფერი თავდაყირა დადგა.Castrol EDGE-ს მიხედვით, გათამაშების საუკეთესო ფეხბურთელი, სერხიო რამოსი გახდა (მანამდე მე-8 პოზიცის სჯერდებოდა).მისი კოეფიციენტი 9.68 შეადგენს.ანდალუსიელის გარდა, კიდევ 4-მა მადრიდისტამ დაიმკვიდრა ადგილი რეიტინგის ათეულში.