"კრიშტიანო წლების განმავლობაში იბრძოდა, რომ კარგი სანაკრებო კარიერა ჰქონოდა. ვფიქრობ, რომ იგი მსოფლიოში საუკეთესოა მესისთან ერთად. არ უნდა დავივიწყოთ, რომ პორტუგალიას კიდევ ბევრი უმაღლესი კლასის ფეხბურთელი ჰყავს, მათ შორის პეპე, ნანი, მეირელეში და სხვები. ასე რომ, რონალდოს თანაგუნდელების იმედიც უნდა ჰქონდეს."

"პირველი ორი შეხვედრა კრიშტიანომ ჩააგდო, თუმცა შემდგომ გააკეთა ის, რაც უნდა გაეკეთებინა. თამამად შეიძლება ითქვას, რომ სწორედ რონალდომ გაიყვანა პორტუგალია ნახევარფინალში, რამეთუ ორ შეხვედრაში 3 გადამწყვეტი გოლი გაიტანა. ამით მან დაამტკიცა, რომ საუკეთესოა. ჩემი აზრით, იგი ლისაბონში ძეგლს იმსახურებს."

"ესპანეთთან დაცვაში თამაში დამღუპველია. აუცილებლად უნდა შეუტიო, როგორც იტალიამ გააკეთა პირველ შეხვედრაში. ვფიქრობ, ბენტომ სიურპრიზი უნდა შემოგვთავაზოს."