ჩაბი ალონსომ მომდევნო შეხვედრაზე ისაუბრა, რომელსაც მისი ნაკრები პორტუგალიის ეროვნულ გუნდთან გამართავს. ბასკი ფეხბურთელის აზრით, 1/2 ფინალები სანახაობრივი თვალსაზრისით იდეალური იქნება...

"ვფიქრობ, პორტუგალიის ეროვნულ ნაკრებს ევროპის ჩემპიონობის დიდი შანსი აქვს, ისინი ძალიან მობილურები არიან და სწორედ ამის ხარჯზე აღწევენ უდიდეს წარმატებას, დარწმუნებული ვარ მომდევნო დაპირისპირება, რომელსაც ჩვენ მათ წინააღმდეგ გავმართავთ, ძალიან სანახაობრივი იქნება და მაყურებელი უდიდეს სიამოვნებას მიიღებს."

"კრიშტიანო რონალდოსთან ჭიდილი ყველა ფეხბურთელს უჭირს, რადგან რონი ძალიან არაპროგნოზირებადია და არასდროს არავინ იცის კონკრეტულ სიტუაციაში რა აზრი მოუვა თავში და რას გააკეთებს იგი მოედანზე, მისი სისწრაფის შესახებ ყველამ ყველაფერი კარგად იცის, ამიტომ საჭიროა მაქსიმალური ყურადღება და სივრცეების ჩაკეტვა, არ უნდა დაგვავიწყდეს, რომ კრიშტიანოსთან ერთად პორტუგალიაში ნანიც ასპარეზობს, რომელიც ასევე ძალიან სახიფათოა და ნელ-ნელა კარიერის პიკისკენ მიიწევს."

"ვგონებ, ყველაფერი კარგად დასრულდება თუ ჩვენ მაქსიმუმს გავაკეთებთ და მეტოქეს ესპანურ ფეხბურთს შევთავაზებთ, თუკი რონალდომ და მისმა თანამემამულეებმა საკუთარი ფეხბურთი ითამაშეს, მაშინ ყველაფერი ცუდად წავა, რადგან ისინი ძალიან სწრაფები და მობილურები არიან."