მადრიდის "რეალისა" და ხორვატის ეროვნული ნაკრები ლეგენდამ დავორ შუკერმა, მოდრიჩის შესაძლო ტრანსფერზე გააკეთა კომენტარი.

შუკერი დარწმუნებულია, რომ მოდრიჩი "რეალს" მოერგება და შეუცვლელი ფიგურა გახდება.

"მოდრიჩი ბრწყინვალე ფეხბურთელია. მას თავისუფლად შეუძლია მადრიდს "რეალში" თამაში. მე დარწმუნებული ვარ, რომ ლუკა მადრიდის "რეალში" გადასვლის შემთხვევაში გუნდის შეუცვლელი ფიგურა გახდება. ფეხბურთელი უნდა თამაშობდეს იმ გუნდში, რომელსაც ტიტულებისთვის ბრძოლა შეუძლია, მადრიდის "რეალი" კი იდეალური ვარიანტია."-განაცხადა შუკერმა.

როგორც მოგეხსენებათ ხორვატის შეძენით ჟოზე მოურინიო გახლავთ დაინტერესებული. გავრცელებული ხმების თანახმად მოურინიო პირადად მოელაპარაკა მოდრიჩს ტრანსფერზე. ამას თან ერთვის მოდრიჩის საჯაროდ გამოთქმული უკმაყოფილება "ტოტენჰემის" ჩემპიონთა ლიგაზე ვერ მოხვედრის გამო. ასე, რომ უნდა ვივარაუდოდ მომდევნო სეზონში ხორვატი ლუკა მოდრიჩი მადრიდის "რეალის" ღირსებას დაიცავს.