Corriere dello Sport-ის ცნობით, მილანური კლუბი ჩაბი ალონსოს ტრანსფერზე ოცნებობს.

როგორც გამოცემა იუწყება, მასიმილიანო ალეგრის დიდი სურვილი ყოფილა ბასკი ფეხბურთელის საკუთარი გუნდის რიგებში ხილვა.საინტერესოა, რომ ჟურნალისტი, რომელმაც სტატია გამოაქვეყნა, ჩაბის "რეალიდან" წასვლა რეალურად მიიჩნევს.მისი აზრით, მოურინიოს წინა პლანზე შაჰინის დაყენება უნდა, აქედან გამომდინარე, ის დათანხმდება სარფიან წინადადებას "დირიჟორის" თაობაზე (ალეგრისთან ერთად, ესეც კარგი მეოცნებე ყოფილა - ავტ).

ალბათ, იმაზე საუბარი ზედმეტია, თუ რამდენად ფუნტამენტალური ფიგურაა ალონსო განსაკუთრებულის ფორმაციის გუნდში.ჩემი აზრით, ჩაბი, ერთ-ერთი ყველაზე ხელშეუხებელი მოთამაშეა "ბლანკოსში," ასე რომ, "როსონერის" შეგვიძლია შევთავაზოთ ფერნანდო გაგო ან ლასანა დიარა.

პ.ს. აქვე გამახსენდა, ესპანეთი-საფრანგეთის თამაშის დროს, "გენიალური" კომენტატორის, დავით მინაშვილის ფრაზა: "ჩაბი ალონსო მეორე ყვითელს თუ მიიღებს და ნახევარ ფინალს გამოტოვებს, მისი შეცვლა შესაძლებელი იქნება (საუბარია სრულფასოვან შეცვლაზე - ავტ)."