ალვარომ შესაძლოა ახალი სეზონიდან მთავარ გუნდში ითამაშოს.

ჟოზე მოურინიო სერიოზულად განიხილავს ალვარო მორატას პირველ გუნდში გადაყვანის შესაძლებლობას. ფეხბურთელის თამაშმა წინა სეზონში ჩაიარა განაპირა თავდასხმელის პოზიციაზე და კარგი შთაბეჭდილება შეუქმნა პორტუგალიელ სპეციალისტს. მიუხედავად იმისა, რომ გუნდი გადატვირთულია ვარსკვლავებით მწრთვნელს მაინც უნდა მისი მთავარ გუნდში ხილვა ახალ სეზონში.

კასტილიის შემადგენლობაში მორატამ რამოდენიმე მატჩი ცენტრ ფორვარდის პოზიციაზეც ითამაშა, მაგრამ მისი ნამდვილი ნამდვილი ამპლუა მარცხენა გარემარბია და სეზონის ძირითადი თამაშები ჩატარებული აქვს ამ პოზიციაზე. თუმცა ხანდახან უწევდა შემტევი ნახევარმცველის პოზიციის შეთავსება ხოსელუს დასახმარებლად. ზუსტად ამ თვისებებიდან გამომდინარე ჟოზე მოურინიომ გადაწყვიტა ძირითად გუნდში მორატას გადმოყვანა, როგორც უნივერსალური ფეხბურთელი. ცნობილია, რომ პორტუგალიელ მწრთვნელს უყვარს ფეხბურთელები, რომლებსაც შეუძლიათ ყველა პოზიციის ადვილად შეთავსება. მორატას შეუძლია ნებისმიერი შემტევ პოზიციაზე თამაში.

მალე მორატას და მის თანაგუნდელებს შანსი მიეცემათ ამერიკის ტურნირზე თავის გამოჩენა მთავარ გუნდთან ერთად. ჟოზე ყოველთვის გამოარჩევდა მორატას და ამიტომ გასაკვირი არ იქნება მისი კასტილიიდან გადმოყვანა. ალვაროს მთავარ გუნდში თამაში და ხოსელუს გაყიდვა კასტილიისთვის მძიმე დარტყმა იქნება.