ესპანეთის ეროვნულმა ნარეკმა, ევროპის 2012 წლის ჩემპიონატზე, მეოთხედფინალის საგზური მოიპოვა.

ვისენტე დელ ბოსკეს შეგირდებმა, "სი" ჯგუფის ბოლო ტურის შეხვედრაში, მინიმალური ანგარიშით დაამარცხეს ხორვატები.აღსანიშნავია, რომ დაპირისპირებაბში ერთადერთი გოლი, ცვლილებაზე შესული ხესუს ნავასის ანგარიშზეა.ამ უკანასკნელმა ინიესტას გადაცემის შემდეგ, გამარჯვება მოუტანა "ფურია როხას," რამაც ისინი ლიდერის პოზიციაზე დააბრუნა.

გამოსარჩევია ეროვნული გუნდის კაპიტნის, იკერ კასილიასის გარჯა.მადრიდისტამ რამდენიმე ეპიზოდში გადაარჩინა მოქმედი ჩემპიონი.რაც შეეხებათ რამოსს, არბელოასა და ალონსოს, მათ 90 წუთი გაატარეს მწვანე მინდორზე.ტრადიციისამებრ, შეხვედრას სათადარიგო სკამიდან ადევნებდა თვალ-ყურს რაულ ალბიოლი.

მაშასადამე, "სი" ჯგუფიდან ესპანეთსა და იტალიას ერგოთ შემდეგ ეტაპზე ასპარეზობა."წითლების" მეტოქე, "დი" ჯგუფის მეორეადგილოსანი იქნება (ან საფრანგეთი, ან ინგლისი, ან უკრაინა).

ცნობისთვის, კონტინენტის პირველობის მეოთხედფინალში, 10 მადრიდისტა ითამაშებს.იმედია, მათ ბენზემაც დაემატება.