ოზილი და ხედირა განაგრძობენ გამოსვლას ევროპის ჩემპიონატზე, მათი ნაკრები ერთადერთია, რომელმაც ჯგუფურ ეტაპზე ქულათა მაქსიმალურ რაოდენობას მოუყარა თავი. მესუთმა ჟურნალისტებთან ისაუბრა მადრიდის რეალსა და გერმანიის ეროვნულ გუნდზე.

ჟურნალისტის კითხვაზე, რომელიც ეხებოდა მოურინიოს სიტყვებს, სადაც პორტუგალიელმა სპეციალისტმა მესუთს მსოფლიოს საუკეთესო ათიანი უწოდა, ოზილმა შემდეგი პასუხი გასცა: "რა თქმა უნდა ძალიან ბედნიერი ვარ ამ სიტყვების გამო. ის ჩემი მწვრთნელია და მან ყველაზე კარგად იცის ჩემი შესაძლებლობები. როდესაც ის ასეთ რამეს ამბობს, მოტივაცია მემატება და მსურს კიდევ უფრო კარგად ვითამაშო."

"მოურინიოს და ლიოვის შედარება დაუშვებელია, მაგრამ ორივენი შედიან მსოფლიოს საუკეთესო მწვრთნელებში. ძალიან გამიმართლა, რომ მათთან მუშაობა მომიწია. მათი წყალობით ძალიან დიდი გამოცდილება მივიღე."

"გერმანიის ნაკრებისათვის ხედირა ძალიან მნიშვნელოვანი ფეხბურთელია. ის თავის პოზიციაზე მსოფლიოში ერთ-ერთი საუკეთესო ფეხბურთელია. მასთან თამაში ძალიან დიდ სიამოვნებას მანიჭებს. მადრიდის რეალში ერთად ასპარეზობამ კი მოედანზე ურთიერთგაგებას ხელი ძალიან შეუწყო. აგრეთვე სამი ჩემი მეგობარიც არის."

"ფილიპ ლამმა დაამტკიცა, რომ ის მსოფლიოს ერთ-ერთი საუკეთესო მარჯვენა მცველია და ნებისმიერი გრანდი დიდი სიამოვნებით იყოლიებდა ასეთ ფეხბურთელს, მათ შორის მადრიდის რეალიც."