მადრიდის "რეალმა" ფეერიულ მატჩში დაამარცხა "ვალიადოლიდი". გთავაზობთ მოკლე მიმოხილვას.

პირველი გოლი გაიტანა რაულმა 14–ე წუთზე. მან უპასუხა ფლანგიდან ჩამოწოდებულ ბურთს. 18–ე წუთზე მადრიდელთა ლეგენდარულმა კაპიტანმა უკვე საპირისპირო ფლანგიდან ჩაწოდებულს უპასუხა და ანგარიში 2:0 გახადა. სტუმრები არც ამის შემდეგ შეჩერდნენ და მეტოქის კარში ბევრჯერ არტყამდნენ.

"რეალისთვის" ეს მატჩი ადვილი არ გამოდგა. 29–ე წუთზე ნაუზეტმა უბადლოდ შეასრულა საჯარიმო დარტყმა და მინიმუმამდე შეამცირა სხვაობა, მაგრამ შესვენებამდე მარსელომ დიდებული გოლი გაიტანა და გუნდმა გოლიც გასახდელში იზეიმა.

მარკიტოსმა 53–ე წუთზე კვლავ დააბრუნა ინტრიგა. ის გამოეხმაურა თანაგუნდელის გადაცემას და გადაგზავნა ბურთი იკერ კასილასის კარში. ბოლო სიტყვა მაინც მადრიდულმა გრანდმა თქვა. გონსალო იგუაინი 79–ე წუთზე მეტოქის მეკარესთან პირისპირ დარჩა და თავზე გადაუგდო ბურთი. საბოლოო ანგარიში 4:2 დაფიქსირდა ტაბლოზე.

ამ მატჩის შემდეგ "რეალი" მეორე ადგილზეა 18 ქულით. "ვალიადოლიდი" 16–ე ადგილზეა ხუთი ქულით.


ინფორმაციის წყარო: Goal.com