მადრიდის "რეალის" ნახევარმცველმა ესტებან გრანერომ კარიერა შესაძლოა ბუნდესლიგაში განაგრძოს.

გერმანულ "შალკეს" ნახევარდაცვაში პრობლემები აქვთ, ამიტომ გუნდი გეგმავს რამდენიმე ფეხბურთელის დამატებას, ერთ-ერთი მათგანი კი მადრიდის "რეალის" ნახევარმცველი ესტებან გრანერო გახლავთ. გრანერო მადრიდის "რეალის" აღზრდილია, იგი მადრიდელთა რიგებში 1995 წელს ჩაირიცხა და დღემდე თეთრ ფორმას ატარებს. სამწუხაროდ ამ დროის განმავლობაში ესპანელმა ვერ მოახერხა გუნდის ძირითადში ადგილის დამკვიდრება. გრანეროს გუნდთან კონტრაქტი 2013 წლამდე აკავშირებ, მაგრამ ჯერ-ჯერობით მის გახანგრძლივებას ბლანკოსის ხელმძღვანელობა არ გეგმავს. მოურინიოს ფეხბურთელის შენარჩუნება სურს, მაგრამ არ არის გამორიცხული ესტებანმა გუნდი დატოვოს და "შალკეს" მიაშუროს.