იტალიური "რომა" მადრიდის "რეალის" ცენტრალური მცველით დაინტერესდა.

იტალიური "რომა" ალბიოლის შეძენით სერიოზულად დაინტერესდა. რომაელებს, როგორც მოგეხსენებათ ახალი მწვრთნელი ჰყავთ ზდენეკ ზდემანის სახით, ეს უკანასკნელი კი ალბიოლზე დიდ იმედებს ამყარებს და ესპანელის ხილვა საკუთარ გუნდში სურს. თავად ალბიოლიც, როგორც ჩანს მომხრეა რომაულ კლუბში განაგრძოს ასპარეზობა, რადგან 27 წლის ესპანელი მოურინიოს ფორმაციის "რეალში" არ ჯდება და ძალზედ იშვიათად უწევს მწვანე მინდორზე გამოსვლა, ალბიოლს კი თამაში სურს და ამისთვის "რომა" იდეალური გუნდია. რომაელებს რაც შეიძლება სწრაფად სურთ ფეხბურთელის საკუთარ რიგებში ხილვა და გეგმავენ მადრიდის "რეალს" მომავალ კვირას მიმართონ წინადადებით.