"კასტილიამ"მიმდინარე სატრანსფერო პერიოდში პირველი შენაძენი გააკეთა.

გუნდმა თავისუფალი აგენტის სტატუსით გადმოიბირა "ლუსენას" აწ უკვე ყოფილი ფეხბურთელი ხოაკინ ხოსე მარინ რუსო (კინი). კინიმ "ლუსენასთან" ერთად საკმაოდ კარგი სეზონი ჩაატარა. გუნდმა სეკუნდა ბ-ში მესამე ადგილი დაიკავა, პლეიოფში კი 4:2 დამარცხდა "პონფერადინასთან" . ფეხბურთელი გასულ სეზონში "ლუსენას" ერთ-ერთი წამყვანი ფიგურა გახლდათ, მან 31 მატჩში 10 გოლი გაიტანა.

ფეხბურთელმა უკვე დაადასტურა "კასტილიაში" გადმობარგება: " ძალიან ბედნიერი ვარ, რომ მომავალი სეზონიდან მადრიდის "რეალის" ახალგაზრდა გუნდის ღირსებას დავიცავ. მოხარული ვიქნები სეკუნდა ბ-ში ასპარეზობით და იმედი მაქვს, რომ ჩემს ახალ გუნდს დავეხმარები სამომავლო წარმატებების მიღწევაში."


აღსანიშნავია, რომ კინის გადაბირებით "რეალ ბეტისი", "ესპანიოლი", "ალმერია", "ოსასუნა" და "ალკორკონი" იყვნენ, მაგრამ ფეხბურთელმა მადრიდი არჩია. კინიმ გუნდთან 2 წლიანი კონტრაქტი გააფორმა.