მადრიდის "რეალის" ლეგენდა მანუელ ფერნანდეს პაიანო დღეს დილით 89 წლის ასაკში გარდაიცვალა.

პაინიოს მადრიდული კარიერა 1948 წელს დაიწყო, მან გუნდში 5 წელი დაჰყო და 144 მატჩში 124 გოლი გაიტანა. მანუელ პაინიო 1923 წლის 21 იანვარს დაიბადა სან პაიო დე ნავიაში. მან ფეხბურთის თამაში "არენას ალკაბრეში" დაიწყო, ცოტა ხნის შემდეგ მისი ტალანტი "სელტას" სკაუტებმა შენიშნეს და ახალგაზრდა ტალანტი გადაიბირეს. 1948 წელს კი ფერნანდეს პაინიომ "ბლანკოსის" მაისური მოირგო და გუნდის ისტორიაში მნიშვნელოვანი კვალი დატოვა.

პაინიო გამორჩეული თავდამსხმელი გახლდათ, საშვალოდ მატჩში 0.86 გოლს იტანდა. მას შესანიშნავი ალღო და ბრწყინვალე თავური დარტყმა ჰქონდა. სწორედ ამიტომ მანუელ ფერნანდეს პაინიო 1951/1952 წლებში ჩემპიონატის ბომბარდირი გახლდა 28 გოლით. მანუელ ფერნანდეს პაინიო მადრიდის "რეალის" გარდა "სელტას", "დეპორტივოს" და "გრანადას" ღირსებას იცავდა.






ინფორმაციის წყარო: Realmadrid.com