მადრიდის "რეალის" ნახევარდაცვას გაძლიერება ნამდვილად არ სჭირდება, რადგან ამ რგოლში მსოფლიოს საუკეთესო მოთამაშეები არიან განთავსებულნი, მაგრამ ჟოზე მოურინიო კევინ პრინს ბოატენგისკენ მაინც გაურბის თვალი, რომელმაც "მილანში" ასპარეზობით ბრწყინვალე შთაბეჭდილება დატოვა...

მოთამაშე იტალიური გიგანტის ერთ-ერთი ლიდერი გახდა და "როსონერის" ხელმძღვანელობა მის გაშვებას იოლად ნამდვილად არ შეეგუება, თუკი გარიგება შედგა ფლორენტინო პერესს სერიოზული თანხით მოუწევს ჯიბის გათხელება, რადგან ბოატენგი მსოფლიოში ვარსკვლავის სახელს იმკვიდრებს.

არ სახელდება თანხა, რომელსაც მადრიდული გუნდი "მილანის" ხელმძღვანელობას შესთავაზებს, რადგან ჯერ ინტერესის ოფიციალურობაც არ არის დადასტურებული.

გავრცელებული ინფორმაციით, პერესს საკუთარი კავშირების იმედი აქვს, რომელიც მას ადრიანო გალიანისთან აკავშირებს, სწორედ ამ თბილმა ურთიერთობამ განაპირობა კაკას "გამადრიდელება", რიკარდოს კაკა ამ გუნდებს შორის ბევრი ფეხბურთელი გაცვლილა.