ალტინტოპი : "მომავალს მალე გადავწყვეტ"
ჰამიტ ალტინტოპმა მის მომავალ საფეხბურთო კარიერაზე ისაუბრა და განაცხადა, რომ სულ მალე მიიღებს გადაწყვეტილებას...
"სიმართლე გითხრათ ბევრი ვიფიქრე, მაგრამ ჯერ-ჯერობით გადაწყვეტილება არ მიმიღია, ჟოზე მოურინიოსთან ბრწყინვალე ურთიერთობა მაქვს, მის ხელში ბევრი რამ ვისწავლე და ამ ადამიანს უდიდეს პატივს ვცემ, რადგან მხარს ბოლომდე მიჭერს, მაგრამ ეს ყველაფერი მოედანზე არ ხდება, სამეფო კლუბში გადმოსვლის შემდეგ მინდორზე გასვლა და ბურთის გორაობა მენატრება, რადგან გუნდში უდიდესი კონკურენციაა და მწვრთნელი ჩემ ადგილს ვერ პოულობს."
"ვაპირებ მთავარ მწვრთნელთან შეხვედრას და მომავალზე საუბარს, თუკი მოვლენები კვლავ ამ სცენარით განვითარდება, მაშინ "ბლანკოსის" დატოვება მომიწევს, რადგან სათამაშო პრაქტიკის არ ქონა ჩემზე ძალიან იმოქმედებს, მითუმეტეს უმძიმესი ტრავმა გადავიტანე, რომელმაც დიდი ხანი გამაცდენინა."
"ნებისმიერი ფეხბურთელისთვის მთავარი მხოლოდ მოედანზე ასპარეზობა და წარმატების მიღწევაა, სათადარიგოთა სკამზე ჯდომა არავის არ აკმაყოფილებს."
"გადაწყვეტილებას მხოლოდ ჟოზესთან საუბრის შემდეგ მივიღებ, ყველაფერს ავწონ-დავწონი და საუკეთესო ვარიანტს მივანიჭებ უპირატესობას."
- 26 მაი 2012
- 1 687
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
