თუ რეკორდებიც დაამყარა "რეალმა" ამ სეზონში ყველას კარგად მოგეხსენებათ, მაგრამ მაინც შეგახსენებთ - 100 ქულა, 121 გოლი და 32 გამარჯვება. ცხადია, ეს არამარტო ესპანეთის, არამედ ევროპის მასშტაბითაც საუკეთესო მაჩვენებელია. მეორე ადგილს "პრემიერლიგის" ჩემპიონი "სიტი" იკავებს. მანჩესტერელებმა 89 ქულას მოუყარეს თავი, მოიპოვეს 28 გამარჯვება და მეტოქეთა კარში 93 გოლიც გაიტანეს. რაც შეეხება "სერია ა"-ს გამარჯვებულს, "იუვენტუსმა" 23 მატჩი მოიგო, 84 ქულა დააგროვა და 68 გოლი გაიტანა. დორტმუნდის "ბორუსიას" მაჩვენებელი არც თუ ისე შთამბეჭდავია, მაგრამ მათ ბრწყინვალე სეზონი ჩაატარეს და "ბაიერნს" 8 ქულით გაასწრეს - 81 ქულა, 25 მოგება და 80 გოლი.

ახლა სხვა ჩემპიონატებსაც შევეხოთ, შოტლანდიაში გლაზგოს "სელტიკმა" 93 ქულა დააგროვა, ჰოლანდიაში "აიაქსმა" 76, რუსეთში "ზენიტმა" 88, საფრანგეთში "მონპელიემ" 82, თუმცა უეფას რეიტინგშ ეს ქვეყნები სხვა ჯგუფებში იმყოფებიან. ცნობისთვის, პირველ ჯგუფში სწორედ ესპანეთის, ინგლისის, გერმანიის, იტალიისა და პორტუგალიის ჩემპიონატებია...