კალეხონი "ლა ლიგაში" 2008-09 სეზონის შემდეგ გამოდის. როგორც იცით, სწორედ მაშინ გადავიდა იგი "ესპანიოლში". გავიდა რამდენიმე წელი და ხოსე მარია მშობლიურ "რეალს" დაუბრუნდა, სადაც ძალიან კარგი სეზონი ჩაატარა. კალეხონმა გასულ სეზონში საერთო ჯამში 13 გოლის გატანა მოახერხა, რაც ბრწყინვალე შედეგია, რამეთუ მას იშვიათად უწევდა მოედანზე გასვლა.

"კალეხონმა იცის, თუ რას ნიშნავს აქ ყოფნა. ყველა იმ წუთის განმავლობაში, რომელსაც იგი მოედანზე ატარებს, მაქსიმალურად კონცენტრირებულია. ალბათ არ ვიდავებთ იმაზე, რომ ის შექმნილია "რეალისთვის"." - განაცხადა მოურინიომ თავის ერთ-ერთ ინტერვიუში. კალეხონმაც მწვრთნელის იმედებიც გაამართლა. ხშირად, შეცვლაზე შემოსულმა გოლიც გაიტანა, რამდენჯერმე გადამწყვეტ მომენტშიც.

რონალდოს, ბენზემასა და იგუაინის შემდგომ კალეხონი გუნდის საუკეთესო მეგოლე გახდა გასულ სეზონში. აღსანიშნავია, რომ აქამდე კალეხონს თავის სამ წლიანი კარიერის განმავლობაში, რომელიც მან "ესპანიოლის" შემადგენლობაში გაატარა, ხოლოდ 12 გოლი ჰქონდა გატანილი, ახლა კი 13-ჯერ დაამწუხრა მეტოქეთა მეკარეები.