ჰამიტ ალტინტოპის ხანმოკლე მადრიდული კარიერა სულ ცოტა ხანში, რომ დასასრულს მიუახლოვდება, ამაში ეჭვი არავის ეპარება, იგი ჟოზე მოურინიოსთვის გამოუსადეგარი ფეხბურთელია და სათადარიგოთა სკამზე ჯდომის მეტს არაფერს აკეთებს...

გავრცელებული ინფორმაციით ჰამიტმა შესაძლოა მადრიდი არ დატოვოს, მაგრამ კარიერა არა "რეალში" , არამედ თანაქალაქელ "ხეტაფეში" განაგრძოს.

ესპანეთის საინფორმაციო წყაროებზე დაყრდნობით "ხეტაფეს" ხელმძღვანელობა თურქი მოთამაშის შეძენით სერიოზულად არის დაინტერესებული და მოლაპარაკებების გამართვას გეგმავს.

თავად ალტინტოპს წასვლასთან დაკავშირებით არანაირი კომენტარი არ გაუკეთებია, მაგრამ თვალნათლივია, რომ მისი კარიერა "ბლანკოსში" აუცილებლად მალე დასრულდება.