მიუხედავად იმისა, რომ რაულ ალბიოლის საქმე მადრიდის "რეალში" ძალიან ცუდად მიდის, მისი მსურველთა რიცხვი ყოველდღიურად იზრდება. ესპანელი მცველის შეძენით აქამდე "პსჟ", "ლივერპული" და "ვალენსია" იყვნენ დაინტერესებულნი, ახლა კი რაულის ინტერესი ლონდონურმა "არსენალმაც" გამოხატა.

ესპანელ მცველს სამეფო კლუბში გაჩერება აღარ სურს, რადგან კონკურენციას ვერ უძლებს. ჟოზე მოურინიო მასზე არ აკეთებს არჩევანს და ძირითადად სათადარიგოთა სკამზე ჯდომით კმაყოფილდება.

როგორც ჩანს, არსენ ვენგერს დაცვის ცენტრის გაძლიერება სურს და ალბიოლის ვარიანტი იდეალურად ესახება, მაგრამ მას ძალიან დიდი კონკურენტი ჰყავს კარლო ანჩელოტის სახით, რომელმაც შესაძლოა "ბლანკოსს" უფრო მეტი ფული შესთავაზოს და მოლაპარაკებები თავის სასარგებლოდ დაასრულოს.

თუკი რაულმა გუნდი დატოვა, სავარაუდოდ მის არჩევანზე იქნება დამოკიდებული სად განაგრძობს კარიერას, მაგრამ ფინანსური მხარე ყველა ვარიანტში გადაიხედება.