მადრიდის "რეალის" მარჯვენა მცველმა ალვარო არბელოამ ისაუბრა გუნდში ტრავმების ეპიდემიის შესახებ, რომელიც მასაც შეეხო. ის ალბათ მაინც ითამაშებს შაბათს "ვალიადოლიდის" წინააღმდეგ.

"რამდენიმე დღეა ვვარჯიშობ და უკვე თითქმის ვეღარ ვგრძნობ ტკივილებს. ექიმებმა მითხრეს, რომ ყველაფერი კარგადაა და ტკივილების გარეშე შევძლებ თამაშს. იმედი მაქვს შაბათს შევძლებ თამაშს".

"ამ ბოლო დროს ჩვენი გუნდის ბევრი ფეხბურთელი იღებს ტრავმებს, მაგრამ გუნდში არის იმდენი ფეხბურთელი, რომლებსაც შეუძლიათ შეავსონ ტრავმირებულთა ადგილები".

ფეხბურთელს აწუხებს კრისტიანო რონალდოს არყოფნა. პორტუგალიელ ვარსკვლავს გაუმიზეზდა მტკივანი ფეხი. "რა თქმა უნდა ის უდიდესი ფეხბურთელია, მაგრამ გვყავს ასეთი ფეხბურთელებიც" – განაცხადა არბელოამ.

ნეგრედო

"ბლანკოსის" მცევლი ვერ გაექცა ალვარო ნეგრედოს "რეალში" შესაძლო დაბრუნების თემას. არბელოამ შეაქო ნეგრედო ნაკრებში დიდებულად ჩატარებული მატჩის გამო ბოსნიის წინააღმდეგ და მას ნამდვილი "გალაქტიკო" უწოდა.

"ვიმედოვნებ მომავალ ზაფხულს ერთად ვითამაშებთ. ძალიან გამიხარდება ასე თუ მოხდება. კმაყოფილი ვარ, რომ ნეგრედოს ყველაფერი კარგად აქვს. მან შესანიშნავი მატჩი ჩაატარა ესპანეთის ნაკრებში".

ჩემპიონთა ლიგა

ფეხბურთელის გონება მიმართულია ჩემპიონთა ლიგისკენ, რომელსაც ფეხბურთელი პრეზიდენტთან ერთად გუნდის მთავარ პრიორიტეტად თვლის წლევანდელ სეზონში.

"რეალმა" მნიშნელოვანი ნაბიჯი გადადგა წინ. ოთხშაბათს მოგვიწევს "მილანთან" შეხვედრა. ეს იქნება დიდებული შანსი ჩვენს ძალებში დასარწმუნებლად" – დაასრულა არბელოამ.


ინფორმაციის წყარო: Marca.com