როგორც იცით, მადრიდისტები უკვე რამდენიმე ტურის წინ გახდნენ ჩემპიონები, ხოლო დღევანდელი მატჩი უბრალო ფორმალობა იქნება. "კასტილია" მეჩვიდმეტე ადგილოსან "ვესინდარიოს" დაუპირისპირდება. ალბერტო ტორილის შეგირდებმა "სეგუნდაში" გადასასვლელად პლეიოფში უნდა ითამაშონ, ამიტომ ეს შეხვედრა ერთგვარი მოსამაზადებელი ეტაპი იქნება. როგორც ცნობილია, "კასტილიის" მთავარი მწვრთნელი ძირითად შემადგენლობას დააყენებს.

"კასტილია" საკუთარ მოედანზე ბრწყინვალედ ასპარეზობს. ამ სეზონშ "ალფრედო დი სტეფანოზე" მათ უკვე 13 შეხვედრა მოიგეს და შესაძლო 54 ქულიდან 41 დააგროვეს. აქედან გამომდინარე ძნელად სავარაუდო არც არის, რომ აუტსაიდერ "ვესინდარიოსთან" მორიგ სამ ქულას მოიპოვებენ.