მანუელ პელეგრინი ესაუბრა პრესას დილის ვარჯიშის დასრულებისთანავე. ჩილელმა სპეციალისტმა დაადასტურა, რომ მარსელო სასტარტო შემადგენლობაში ითამაშებს "ვალიადოლიდის" წინააღმდეგ.

"ის აუცილებლად ითამაშებს ამ შეხვედრაში" – განაცხადა მადრიდელთა მწვრთნელმა.

ბრაზილიელი მცველი ყველაზე მეტად გააკრიტიკეს "სევილიასთან" წაგებული მატჩის შემდეგ, მაგრამ მწვრთნელმა გადაწყვიტა დაეცვა ფეხბურთელი პრესის წინაშე:

"ჩვენ არანაირი პრობლემა არ გვაქვს მარსელოს წინაშე. ყველა მოთამაშე ატარებს ცუდ მატჩს. გუნდი არაა დამოკიდებული ერთ ფეხბურთელზე. ყველასგან განსხვავებით მარსელო ხვალ სასტარტო შემადგენლობაში იქნება. კრისტიანომ პორტუგალიის ნაკრებში ითამაშა ტრავმიანმა, მაგრამ მას ექიმებმა დართეს ნება გასულიყო მოედანზე. ამაზე არანაირი პრეტენზია არ გვაქვს. ყოველი ფეხბურთელი ოცნებობს ითამაშოს თავისი გუნდის ძირითად შემადგენლობაში, განსაკუთრებით მსოფლიო ჩემპიონატის შესარჩევ მატჩებში. ახლა მას სჭირდება გამოჯანმრთელება. მას ყველაფერი რიგზე აქვს, მაგრამ ველოდებით მის 100%–ით გამოჯანმრთელებას".

"ვინც პირველად მუშაობს ესპანეთის ჩემპიონატში, უნდა იცოდეს როგორია "რეალთან" თამაში. ჩვენ ვეთამაშეთ დიდ გუნდს. არაფერია ამ წაგებაში საგანგაშო. მატჩის შემდეგ ყველაფერი ნორმალურად იყო. "სევილიასთან" მატჩამდე ჩვენ ბევრი შეხვედრა გავმართეთ და ყველაში გავიმარჯვეთ. არ ვფიქრობ, რომ არ შეგვიძლია პირველი ადგილისათვის ბრძოლა".


ინფორმაციის წყარო: Marca.com