ანტონიო ადანი მშობლებმა "რეალის" აკადემიაში მიიყვანეს და მას შემდეგ თეთრი მაისურით გამოდის. მისი ყველაზე დიდი წარმატება "ხუვენელში" გამოსვლა იყო. "ჩემპიონთა თასში" მან საკუთარი კარი მშრალად შეინახა და კლუბის გაჩემპიონებაში უდიდესი წვლილი შეიტანა. დროდადრო ანტონიო წინ მიიწევდა და საბოლოოდ 2009 წელს "რეალამდეც" მიაღწია. მისი დებიუტი ოფიციალურ მატჩებში ჩემპიონთა ლიგის შეხვედრაში "ოსერთან" შედგა, როცა იეჟი დუდეკი ტრავმის მიღების შემდეგ მოედნიდან გავიდა. 2011 წლის 13 თებერვალს კი "ესპანიოლთან" მატჩში ადანი საწყისი წუთებიდანვე ჩაერთო თამაშში, რადგან იკერ კასილასი უხეში თამაშისთვის მოედნიდან გააძევეს. მან ასევე მონაწილეობა მიიღო "ლა ლიგის" შემდეგი ტურის მატჩში, რომელშიც კარის მშრალად შენახვა მოახერხა. სულ ადანმა "რეალის" რიგებში 10 შეხვედრა გამართა, აქედან 4 "ლა ლიგაში", ხოლო სამ-სამი "კოპა დელ რეისა" და ჩემპიონთა ლიგაზე. 2006 წლიდან ანტონიო ესპანეთის ასაკობრივ გუნდებში გამოდის. უკვე კი ახლოვდება დრო,როცა მას "ფურია როხაშიც" გამოიძახებენ.