კრიშტიანო რონალდო განაგრძობს რეკორდების დამყარებას და მთელი მსოფლიოს გაოცებას, პორტუგალიელი მოთამაშე წელს ბრწყინვალე სეზონს ატარებს...

"სან მამესზე" გამართული დაპირისპირება, რომელიც მადრიდის "რეალმა" ადგილობრივ "ატლეტიკთან" გამართა, ძალიან მნიშვნელოვანი იყო, როგორც სამეფო კლუბისთვის, ასევე კრიშტიანო რონალდოსთვის, რომელმაც მეტოქის კარის აღება მოახერხა. ეს შეხვედრა იყო რიგით 25-ე, რომელშიც პორტუგალიელმა გოლი გაიტანა, ამ მაჩვენებლით მან გაასწრო ლეგენდარულ უგო სანჩესს, რომელსაც 1989/90 წლების სეზონში 24 დაპირისპირებაში ჰყავდა მეტოქეთა მეკარეები დამწუხრებული.

აღსანიშნავია, რომ ეს შედეგი, კრიშტიანომ გრანადასთან შეხვედრაში კიდევ უფრო გააუმჯობესა და მაჩვენებელი 26-მდე აიყვანა.

წლევანდელ სეზონში რონალდომ 19-იდან 18 გუნდს გაუტანა გოლი. პორტუგალიელი მოთამაშე ნებისმიერი გუნდისთვის უდიდეს ხიფათ წარმოადგენს. ატლეტიკო, ხიხონი, ოსასუნა , რაიო ვალეკანო,სევილია, სარაგოსა, ბილბაო, გრანადა, ესენი არიან გუნდები, რომლებიც რონიმ საშინაო არენაზეც დალაშქრა და გასვლით დაპირისპირებებშიც.

კრიშტიანომ სანტიაგო ბერნაბეუზე 14 შეხვედრაში იაქტიურა და გაიტანა გოლი, ხოლო გასვლაზე მისი მაჩვენებელი 12 მატჩს შეადგენს, რაც თავისთავად ბევრ რამეზე მეტყველებს.