ანდერლეხტის ნახევარმცველი ლუკას ბიგლია აცხადებს, რომ მას არსენალისა და მადრიდის რეალის წარმომადგენლები დაუკავშირდნენ და კონტრაქტის გაფორმება შესთავაზეს.

"ორივე კლუბის წარმომადგენლები დამიკავშირდნენ და ახლა მათგან ოფიციალურ წინადადებას ველოდები. თუ მადრიდის რეალი ჩემს შეძენას გადაწყვეტს, დანარჩენი კლუბები უკანა პლანზე გადავლენ და რა თქმა უნდა თეთრ მაისურს მოვირგებ. ვნახოთ რა მოხდება."

"ანდერლეხტთან 2015 წლამდე მაკავშირებს კონტრაქტი, მაგრამ ხელმძღვანელობამ იცის, რომ გუნდის შეცვლა მსურს და ამ თემაზე უკვე ვისაუბრეთ, სხვა გუნდები თუ იმ თანხას გადაიხდიან, რომელსაც ანდერლეხტი ითხოვს დავტოვებ ბელგიას." - განაცხადა 26 წლის ნახევარმცველმა.