როგორც ჩანს, პარიზული კლუბის ბოსები, ზაფხულის სატრანსფერო ფანჯარაზე, მადრიდში აპირებენ ვაჭრობას.

გონსალო იგუაინთან ერთად, ფრანგებს რაულ ალბიოლის წაყვანაც სურთ.გამომდინარე იქედან, რომ "რეალის" მწვრთნელების განცხადებით, პიპიტას ტრანსფერის შესაძლებლობა ჩიხში შევიდა, "პსჟ"-ს წარმომადგენლები, მხოლოდ ვალენსიელ მცველზე მოსალაპარაკებლად ჩამოვლენ ესპანეთში.

მიმდინარე სეზონში, რაულს არცთუ ისე ხშირად უწევს მოედანზე გამოსვლა.უხეშად რომ ვთქვათ, ის, პეპეს, რამოსისა და ვარანის ჩრდილში მოექცა.აქედან გამომდინარე, არარის გამორიცხული, სატრანსფერო ფანჯრის გახსნისთანავე, აიკრას გუდანაბი და გაფრინდეს ანჩელოტისთან.

ცნობისთვის, სამეფო კლუბმა, 3 წლის წინ შეიძინა ალბიოლი, 15 მილიონ ევროდ.Transfermarkt.de-ს მონაცემებით, ფეხბურთელის ამჟამინდელი ფასი, მხოლოდ 9 მლნ. შეადგენს, თუმცა კულუარებიდან გავრცელებული ინფორმაციით, რაულს მხოლოდ 15-ად გაყიდიან მადრიდელები.