მადრიდის "რეალი" რომ საოცარ სეზონს ატარებს, ამის შეხსენება არავის არ სჭირდება. ყოველ მატჩში, რომ რეკორდი მყარდება, ამაზეც ყველას კარგად მოგეხსენებათ. როგორც იცით, "სან მამესზე" მადრიდის "რეალმა" ჩემპიონობა იზეიმა, დაამარცხა რა ბილბაოს "ატლეტიკი" 3-0. ამით "ბლანკოსმა" "ბარსელონას" მიერ დამყარებული "ლა ლიგის" რეკორდი გაიმეორა 2010-2011 წლების სეზონში, კერძოდ, საუბარია სტუმრად გატანილ გოლებზე. წინა სეზონში გვარდიოლას შეგირდებმა 49-ჯერ დალაშქრეს მეტოქეთა კარი. ცხადია, ყოველი მორიგი გოლი ჟოზე მოურინიოს შეგირდებისა რეკორდი იქნებოდა. მადრიდელებმაც არ დააყოვნეს და გრანადაში გააუმჯობესეს ეს მაჩვენებელი. 51 გოლი გასვლით მატჩებში - ეს მართლაც რომ შთამბეჭდავი შედეგია.

ცხადია, გატანილი გოლების მხრივ გასვლით მატჩებში, კრიშტიანო რონალდოა საუკეთესო 23 გოლით. მეორეზე კი იგუაინი გახლავთ - მან 10-ჯერ დალაშქრა მეტოქეთა კარი. რაც არ უნდა გასაკვირი იყოს, მესამე ადგილს კალეხონი იკავებს 4 გატანილი გოლით. რაც შეეხება ქარიმ ბენზემას, ფრანგს საშინელი შედეგი აქვს - მხოლოდდამხოლოდ 2 გოლი...



*Propia puerta - ავტოგოლი