კრიშტიანო რონალდო მადრიდის "რეალში" მესამე სეზონს ამთავრებს. ამ ხნის მანძილზე პორტუგალიელმა ფეხბურთელმა 100 შეხვედრის ჩატარება მოასწრო, რომელიც ლა ლიგის ეგიდით გაიმართა...

რონის დებიუტი ლაკორუნიის დეპორტივოს წინააღმდეგ შედგა, მაშინ მანუელ პელეგრინის "ბლანკოსმა" 3-2 იმარჯვა ბერნაბეუზე. პორტუგალიელ მოთამაშეს 100-იდან 82 მოგება, 11 ფრე და 7 მარცხი აქვს აქტივში, რაც თავისთავად ბევრ რამეზე მეტყველებს.

კრიშტიანომ 25 გუნდის კარების აღება მოახერხა, იგი აბსოლიტურად ყველა მეტოქის კარს იღებს და გუნდს ეხმარება. სამი სეზონის მანძილზე მან ყველაზე მეტჯერ მალაგა დაამწუხრა, კრიშტიანოს ანგარიშზე მალაგელთა კარში 10 გოლია, შემდეგ მოდის სევილია 9 გოლით, 8-8 გოლს კი ვილიარეალი და ხეტაფე "ინაწილებენ".